20 დეკემბრის ასტროლოგიური პროგნოზი – რას გვირჩევენ ვარსკვლავები

რას გვირჩევენ ვარსკვლავები 20 დეკემბრისთვის ჯანმრთელობის, ბიზნესის და სიყვარულის მიმართულებით?

ვერძი

დღის პირველ ნახევარში მოსალოდნელია ახლობელ ადამიანთან უთანხმოება და კამათი. შეეცადეთ, მოთმინება გამოიჩინოთ და ემოციები აკონტროლოთ. უმჯობესია ყურადღება სამუშაოზე გადაიტანოთ და საქმეს შეუდგეთ. ნუ გადადებთ ხვალამდე იმას, რისი გაკეთებაც დღეს შეგიძლიათ, მაგრამ თავი შეიკავეთ სამსახურში დამატებითი პასუხისმგებლობის აღებისგან, თორემ შეიძლება, ვერც ძირითად საქმეს გაუმკლავდეთ და ვერც დამატებითს.

კურო

მზად ხართ, ადამიანებს უანგაროდ დაეხმაროთ, მაგრამ ნურც საკუთარ საქმეებს დაივიწყებთ. მით უმეტეს, რომ ძალიან ხელსაყრელი და ნაყოფიერი დღეა. ამ დღეს დადებული გარიგებები კარგ მოგებას მოგიტანთ. ახალი თანამშრომლობა თქვენთვის მოგებიანი იქნება. ფრთხილად იყავით კოლეგებთან ან მეგობრებთან საუბრის დროს – არავინ იცის, კიდევ ვის ესმის თქვენი სიტყვები.

ტყუპები

თუ მეტის გაკეთება გსურთ, მუშაობა დილიდან უნდა დაიწყოთ. ეს ყველაზე ნაყოფიერი დროა, როდესაც ენერგიით სავსე ხართ და თქვენს მცდელობებს იღბალიც ახლავს. დღის მეორე ნახევარში ადამიანებთან საერთო ენის პოვნა გიჭირთ. ეს განსაკუთრებით საყვარელ ადამიანებს ეხება. შესაძლოა ოჯახური საკითხების მოგვარება მოგიწიოთ. გახსოვდეთ, რომ ზომიერი ფიზიკური აქტივობა თქვენს განწყობას და ჯანმრთელობას მნიშვნელოვნად გააუმჯობესებს.

კირჩხიბი

თუ მგზავრობას გეგმავთ, დროა მომზადება დაიწყოთ, რომ მოგვიანებით, სიჩქარეში საჭირო ნივთის წაღება არ დაგავიწყდეთ. გირჩევთ საყვარელ ადამიანს საოჯახო საქმეებში დაეხმაროთ და პატივისცემა დაანახვოთ. სამსახურში ყველაფერი ძველებურად, ცოტა მოსაწყენადაც კი არის. იფრთხილეთ საყოფაცხოვრებო საქმეებში – უყურადღებობის გამო შეიძლება მცირე ტრავმა მიიღოთ.

ლომი

გეჩვენებათ რომ თქვენს შინაგან ჰარმონიას ვერაფერი დაარღვევს, მაგრამ მაგრამ მოულოდნელი შემთხვევა მყუდროებას მაინც დაგირღვევთ. მთავარია, სწრაფად იმოქმედოთ და უსიამოვნო შემთხვევები თავიდან აიცილოთ. მალე ყველაფერი დაწყნარდება და სიმშვიდეს დაიბრუნებთ, მაგრამ ეს დღე დაგანახვებთ, რამდენად დაუცველი ხართ. დღის მეორე ნახევარში სამსახურსა თუ კომერციულ საქმიანობასთან დაკავშირებით ახალი იდეები გეწვევათ.

ქალწული

თავი შეიკავეთ ისეთ ადამიანებთან ურთიერთობისგან, ვის გვერდითაც თავს უსაფრთხოდ და კომფორტულად ვერ გრძნობთ. ზოგჯერ ყველასგან მოშორებით ყოფნა სასარგებლოც კია, მთავარია, ასეთი მდგომარეობა დიდხანს არ გაგრძელდეს. ეცადეთ, გაერკვიოთ, სინამდვილეში რა გსურთ და სასურველს როგორ მიაღწიოთ. ფიზიკური აქტივობა დაგეხმარებათ, რომ სტრესისგან გათავისუფლდეთ.

სასწორი

დილიდან შესანიშნავ ხასიათზე ხართ და ყველა საქმე მშვენივრად გამოგდით. კარგი დღეა ახალი კავშირების დასამყარებლად. საკუთარი ჭკუისა და უნარებს გამოვლენის არ მოგერიდოთ – კოლეგები და დამსაქმებლები ამას დააფასებენ. სამუშაო დღე ისე სწრაფად ჩაივლის, რომ ვერც კი შეამჩნევთ. ამ დღეს თქვენს საქმეებში ჩარევა ბევრს მოუნდება და მხოლოდ თქვენ უნდა გადაწყვიტოთ, ვის მისცეთ ამის უფლება და ვის არა. ეცადეთ, საღამოს მეგობრებთან შეხვედრის დრო გამონახოთ. ეს ძალების აღდგენაში დაგეხმარებათ.

მორიელი

სანამ ინფორმაციას კარგად არ გადაამოწმებთ, დებატებში ჩართვას და ადამიანების გაკრიტიკებას მოერიდეთ. ცრუ ინფორმაციის გავრცელება თქვენს ავტორიტეტს ძალიან დააზარალებს. მოერიდეთ იმ ადამიანებთან ურთიერთობას, რომლებიც თქვენს ცხოვრებისეულ პრინციპებს არ ეთანხმებიან. სასურველია, საღამოს სახლში დარჩეთ და ოჯახის წევრებთან ერთად დაისვენოთ.

მშვილდოსანი

ნუ ცდილობთ, რომ გარშემო მყოფების სურვილებს მოერგოთ. მთავარია, იცოდეთ, თავად რა გსურთ. შესაძლოა, გარკვეულ სიტუაციაზე თქვენი შეხედულებები განსხვავებული იყოს, მაგრამ ეს არ ნიშნავს, რომ უნდა დანებდეთ. მოერიდეთ კოლეგებთან კამათს, თორემ ნებისმიერ სიტუაციაში დამნაშავედ თქვენ გამოგაცხადებენ. მარტოხელა მშვილდოსნებს რომანტიკული პაემანი ელით. სავარაუდოდ, ახალი ურთიერთობები ბევრ სასიამოვნო სიურპრიზს მოგიტანთ.

თხის რქა

სადაც არ უნდა იყოთ, ეცადეთ გარემოების შესაბამისად ისაუბროთ და იმოქმედოთ. ადამიანებთან ურთიერთობის გამოცდილება და მათი მოხიბვლის ნიჭი ძალიან გამოგადგებათ. საშუალება გექნებათ, რომ ახალი ადამიანები გაიცნოთ და სასარგებლო კავშირები დაამყაროთ. ზოგი ახალი ნაცნობი შეიძლება თქვენი ნამდვილი მეგობარი გახდეს. მთავარია, საკუთარ თავში არ ჩაიკეტოთ და დიალოგისთვის მზად იყოთ. დღის მეორე ნახევარში შესაძლოა, დადოთ გარიგება, რომელიც უახლოეს ხანებში მნიშვნელოვან მოგებას მოგიტანთ.

მერწყული

შესაძლოა, ახლა რთული დრო გიდგათ, მაგრამ ყოველთვის ასე არ იქნება. წინ ბევრი მხიარული და ბედნიერი დღე გელით. ყურადღება გაამახვილეთ იმაზე, რაც მომავლისთვის მოსამზადებლად გჭირდებათ. მარტოხელა მერწყულს სასიყვარულო ამბავი ელის, რომელსაც, რაღაც მიზეზით, ყველასგან საიდუმლოდ შეინახავს. თუ საჩქარო საქმე არ გაქვთ, შეგიძლიათ სამუშაო რეჟიმი ოდნავ შეანელოთ. საღამო ხელსაყრელი დროა დიდი ხნის უნახავი ნათესავების ან მეგობრების მონახულებისა და ძველი დროის გახსენებისთვის.

თევზები

არის დღეები, როცა საკუთარ სურვილებშიც კი დარწმუნებული არ ვართ და ვერ ვხვდებით, რა გვინდა, მაგრამ ამ დღეს ზუსტად იცით, რა მიმართულებით უნდა იმოძრაოთ. გირჩევთ, საკუთარ სურვილებზე ხმამაღლა არ ისაუბროთ. თქვენთვის, საიდუმლოდ შეინახეთ, სანამ მათ განხორციელებას არ მიუახლოვდებით. მშვენიერი დღეა საკუთარ თავზე ზრუნვისთვის. გირჩევთ, სილამაზის სალონში ან სპორტდარბაზში შეიაროთ და მოახლოებული დღესასწაულისთვის მოემზადოთ.