მკვლელობაში ბრალდებული “დეპუტატის” სახლი დაცხრილეს – რა ხდება ადგილზე?
სოხუმის ქუჩაზე, ჯონუას ქუჩაზე, ოკუპირებული აფხაზეთის ე.წ. პარლამენტის წევრის, ადგურ ხარაზიას სახლი მანქანიდან დაცხრილეს. ამის შესახებ იტყობინება აფხაზეთის ტელევიზია.
დაშავებულები არ არიან, თუმცა მომხდარის შემდეგ, ე.წ. შსს-მ სახლს ალყა შემოარტყა და თავდამსხმელებს ეძებენ.
შეგახსენებთ, ხარაზიას ბრალად ედება მისი კოლეგის ვახტანგ გოლანძიას მკვლელობა და კიდევ ერთი დეპუტატის, კან კვარჩიას დაჭრა.
შემთხვევა 19 დეკემბერს კრიპტოვალუტის მაინინგის აკრძალვის კანონპროექტის განხილვისას მოხდა.
ხარაზის დეპუტატობის იმუნიტეტი მოუხსნეს, თუმცა ის ჯერ არ დაუკავებიათ.
