29 დეკემბრის ასტროლოგიური პროგნოზი

რას გვირჩევენ ვარსკვლავები 29 დეკემბრისთვის ჯანმრთელობის, ბიზნესის და სიყვარულის მიმართულებით?

ვერძი

არჩევანის წინაშე ხართ – ფიქრობთ საკუთარ საქმეს მიხედოთ თუ მეგობრებსა და ნათესავებს დაეხმაროთ. თუ გონივრულად და წინდახედულად იმოქმედებთ, შეიძლება ყველა ჩანაფიქრი განახორციელოთ. დღის მეორე ნახევარი ხელსაყრელია საახალწლო შოპინგისთვის.

კურო

არახელსაყრელი დღეა სოციალურ ღონისძიებებზე დასასწრებად. შესაძლოა, თქვენი გულუხვობა ფინანსურ მდგომარეობაზე უარყოფითად აისახოს. მოსალოდნელია დაუგეგმავი ხარჯები. ეცადეთ, ცდუნებებს გაუმკლავდეთ და საკუთარ მოქმედებებში მეტი პასუხისმგებლობა გამოიჩინოთ. სამსახურში ფინანსური ბონუსი ან ფასიანი საჩუქარი გელით.

ტყუპები

შესაძლოა, უფროსის ნათქვამმა სიტყვებმა ძალიან გაგაღიზიანოთ. სამსახურში გარკვეული ცვლილებები გელით. ნებისმიერ კამათში ძლიერი არგუმენტები გაქვთ, რაც მოწინააღმდეგეს ფარ-ხმალს დააყრევინებს. მთავარია, სიტუაცია არ გაართულოთ – თქვენი წარმატების საიდუმლო მონდომებასა და სიმარტივეშია. ხელსაყრელი დღეა საყვარელ ადამიანთან ერთად გასართობ ად წასვლისთვის, ასევე ერთობლივი შოპინგისთვის. მარტოხელა ტყუპებს საინტერესო ნაცნობობა ელით.

კირჩხიბი

კირჩხიბი მოგზაურობაზე და საშობაოდ მორთული შორეული ქვეყნების ნახვაზე ოცნებობს, მაგრამ იმდენი საქმე აქვს, სამსახურიდან გასვლას ვერ ახერხებს. მოსალოდნელია გარკვეული პოზიტიური ცვლილებები. დროა, გათავისუფლდეთ იმისგან, რაც აღარ გჭირდებათ. ეს დღე ხელსაყრელია ძველი პრობლემების მოგვარებისთვის. მოუცლელობის მიუხედავად, ეცადეთ, რომ ცოტა ხნით სუფთა ჰაერზე გაისეირნოთ.

ლომი

შესაძლოა მეგობრებთან ურთიერთობაში ცვლილებები მოხდეს. გირჩევთ, ამ დღეს ხალხმრავალ ადგილებში სიარულს და ტოქსიკურ ადამიანებთან ურთიერთობას მოერიდოთ და მათ შეფარულ პროვოკაციებს სიმშვიდით უპასუხოთ. სასურველია, საღამო ოჯახთან ერთად გაატაროთ და ბავშვებს მეტი ყურადღება მიაქციოთ. მარტოხელა ლომებს ინტერნეტში საინტერესო ადამიანის გაცნობის საშუალება ექნებათ და სავარაუდოდ, ეს ურთიერთობა დიდხანს გაგრძელდება.

ქალწული

სამსახურში გარკვეული ცვლილებებისა და სიახლეების მიღება გიჭირთ და ამის გამო შეიძლება, უფროსის შენიშვნა დაიმსახუროთ. სავარაუდოდ, დღესასწაულის წინ ახლობელი ადამიანისგან ფინანსურ დახმარებას მიიღებთ. ეცადეთ, ფული გონივრულად დახარჯოთ, რათა ნაახალწლევს უფულოდ არ დარჩეთ. ვარსკვლავები ენერგიას მოგცემენ, რაც ამ ეტაპზე ძალიან გჭირდებათ და თქვენს მოტივაციას აამაღლებს.

სასწორი

სამსახურში, სავარაუდოდ, ბოლოდროინდელ ცვლილებებთან და ახალ მოვალეობებთან შეგუება გიჭირთ, მაგრამ მოგიწევთ, ეს დამოკიდებულება დაძლიოთ. თუსაღამო საკმაოდ სასიამოვნო და ნაყოფიერი იქნება, განსაკუთრებით თუ მეგობრულ წრეში ან რომანტიკულ გარემოში გაატარებთ. მარტოხელა სასწორს შანსი ექნება, პირად ცხოვრებაში სიახლე შეიტანოს. ხელსაყრელი დღეა რომანტიკული ნაცნობობისთვის.

მორიელი

მშვენიერი დღეა საახალწლოდ სასურსათო პროდუქტების შეძენისა და სადღესასწაულო ჩაცმულობაზე ფიქრისთვის. რა თქმა უნდა, ოჯახის წევრებისთვის საჩუქრების ყიდვაც არ უნდა დაგავიწყდეთ – ეცადეთ, თქვენი ოჯახური დღესასწაული უფრო ფერადი და დასამახსოვრებელი გახადოთ. გადახედეთ თქვენს პრიორიტეტებს და ყურადღება ყველაზე მთავარ საკითხებზე გაამახვილეთ, მეორეხარისხოვანი პრობლემების მოგვარება შეგიძლიათ სამომავლოდ შემოინახოთ.

მშვილდოსანი

კარგი დღეა, მაგრამ ნაჩქარევმა გადაწყვეტილებებმა და დაუფიქრებლად ნათქვამმა სიტყვებმა შეიძლება ყველაფერი გააფუჭოს. არ არის გამორიცხული, ძველი, გამოცდილი ნაცნობის რჩევა დაგჭირდეთ, რომელიც ძალიან დაგეხმარებათ.
ახალგაცნობილ ადამიანთან ურთიერთობაში სიფრთხილე უნდა გამოიჩინოთ – მან, შეიძლება თქვენი სიკეთე ბოროტად გამოიყენოს. დღის მეორე ნახევარი ხელსაყრელია ინფორმაციის ანალიზისთვის.

თხის რქა

თუ ვინმესთან გულწრფელი საუბარი და გულის გადაშლა მოგინდებათ, თანამოსაუბრე ფრთხილად უნდა შეარჩიოთ, რომ მან თქვენი პირადი ინფორმაცია თავისი მიზნებისთვის არ გამოიყენოს. ამ დღეს საკუთარი თავისგან ძალიან ბევრს ითხოვთ. ეცადეთ გააცნობიეროთ, რომ აჩქარება და ერთდროულად რამდენიმე საქმის კეთება არაფერში გჭირდებათ.

მერწყული

მშვენიერი დღეა მეგობრებთან ერთად გასატარებლად, მაგრამ ეცადეთ ,ფულთან სიფრთხილე გამოიჩინოთ და ყველაფერი ერთბაშად არ დახარჯოთ, თორემ ახალ წელს ჯიბეცარიელი შეხვდებით. შესაძლოა, მხარდაჭერა იქიდან მიიღოთ, საიდანაც არ ელით. დახმარებაზე უარს ნუ იტყვით, როგორი უმნიშვნელოც არ უნდა გეჩვენოთ.

თევზები

ხელსაყრელი დღეა რომანტიკული პაემნებისთვის, ნათესავებთან და მშობლებთან ურთიერთობისთვის. არ არის გამორიცხული, საინტერესო ამბავი გაიგოთ. ნუ შეეწინააღმდეგებით თქვენს ცხოვრებაში შემოსულ ცვლილებებს. ეცადეთ, მავნე ჩვევებისგან გათავისუფლდეთ. შედეგად უზარმაზარ ფიზიკურ და სულიერ პოტენციალს შეიძენთ, რაც ცხოვრებისეული სირთულეების დაძლევაში დაგეხმარებათ.